discipline

ပြီးခဲ့တဲ့ ဆောင်းပါးမှာ ကလေးတွေကို ဆုံးမတဲ့ နေရာမှာ ဘာ့ကြောင့် မရိုက်သင့်တာလဲ ဆိုတာကို ရေးသားခဲ့ပါတယ်။ အခုဆောင်းပါးမှာတော့ ကလေးတွေကို မရိုက်ပဲနဲ့ ဘယ်လိုစည်းကမ်း ထိန်းသိမ်းမလဲ ဆိုတာကို တင်ပြဆွေးနွေးသွားမှာ ဖြစ်ပါတယ်။ မိဘတိုင်းဟာ ကိုယ့်သားသမီးကို တိုးတက်အောင်မြင် ဖြစ်ထွန်းစေချင်ကြတာ ဓမ္မတာပဲ ဖြစ်ပါတယ်။ ဒီလိုအောင်မြင်တဲ့ သားသမီးတွေ ဖြစ်ဖို့ လိုအပ်သလို သင်ကြားပေးတာ၊ လိုအပ်သလို စည်းကမ်းထိန်းသိမ်းတာတွေ ပြုလုပ်ကြရပါတယ်။ ဒီလိုစည်းကမ်းထိန်းတဲ့ နေရာမှာ၊ သင်ကြားပေးတဲ့ အခါမှာ တစ်ခါတစ်ရံ ပြောရဆိုရ ခက်တဲ့အခါမျိုးမှာ ကလေးကို ရိုက်နှက်ဆုံးမ ချင်စိတ်တွေ ပေါက်လာတတ်ပါတယ်။ ဒါပေမယ့် ကလေးကို ရိုက်နှက်ဆုံးမရင် ကောင်းကျိုးထက် ဆိုးကျိုးကသာ ပိုများတတ်တာမို့ မရိုက်သင့်ပါဘူး။ ဒါဆိုဘယ်လို ကလေးကို စည်းကမ်းထိန်းမလဲ။ ဘယ်လို ကိုယ်ညွှန်ကြားချက်အတိုင်း လိုက်ပါဆောင်ရွက်အောင် လုပ်မလဲ။ ကလေးတွေကို စည်းကမ်းထိန်းတဲ့နေရာမှာ ပထမဆုံး အောက်ပါအချက်တွေကို သတိပြုဖို့ လိုအပ်ပါတယ်။ စောစောစီးစီး စပါ။ ကလေးငယ်ငယ်လေး ကတဲက စည်းကမ်းကို စထိန်းပါ။ ကလေးငယ်တုန်းမှာ လုပ်ချင်ရာ လုပ်ခွင့်ပေးထားပြီး အသက် ၅ နှစ် ၆ နှစ်လောက် ကျတော့မှ ရုတ်တရက် ဟိုဟာမလုပ်ရ၊ ဒီဟာမလုပ်ရ ထလုပ်ရင် ကလေးက ဘာကြောင့် အခုမှ လာပြီး စည်းကမ်းတွေ တင်းကြပ်ရတာလဲ ဆိုတာကို နားလည်နိုင်မှာ မဟုတ်ပါဘူး။ ဒါ့ကြောင့် ကလေးငယ်စဉ်ကတဲက စည်းကမ်းကို စပြီး ထိန်းပါ။ကလေးတွေ လိုက်နာရမယ့် စည်းမျဉ်းစည်းကမ်းတွေနဲ့ ထိန်းသိမ်းရမယ့် အမူအကျင့်တွေကို ကြိုတင်ပြီး ကလေးတွေ နားလည်အောင် ရှင်းပြထားပါ။ ကလေးက သူဘာ့ကြောင့် အပြစ်ပေး ခံရလဲ ဆိုတာကို သဘောပေါက်ဖို့ လိုအပ်ပါတယ်။ ဥပမာ - အခြားကလေးတွေကို မကိုက်ရဘူး ကိုက်ရင် အပြစ်ပေးခံရမယ် ဆိုတာကို ကြိုပြီး ရှင်းပြထားပါ။ ကြိုမရှင်းပြပဲ (ကြိုပြီး စည်းမျဉ်းမထုတ်ထားပဲ) ဖြစ်လာမှ ထပြီး အရေးယူ အပြစ်ပေးရင် ကလေးက ဘာလို့အပြစ်ပေး ခံရမှန်း နားမလည် ဖြစ်နေပါလိမ့်မယ်။ ဒါ့ကြောင့် ဥပဒေကို အရင်ထုတ်ပါ။ကလေးနဲ့ လိုက်ဖက်တဲ့ အပြစ်ဒါဏ်ပေးမှုကို ကျင့်သုံးပါ။ ကလေးရဲ့ အသက်အရွယ် အလိုက် အပြစ်ဒါဏ် ပေးသင့်တဲ့ အမူအကျင့်ကို ကြိုတင်သတ်မှတ်ပါ။ ဥပမာ - လသားလေးက အမေကို ကိုက်ရင် သူကိုက်ချင်လို့…

မိဘတော်တော်များများဟာ ကလေးတွေ ပြောမရ ဆိုမရ ဖြစ်လာရင် စိတ်တိုပြီး ကလေးကို ရိုက်ချင်စိတ်တွေ ပေါ်လာတတ်ပါတယ်။ တချို့မိဘတွေကလဲ စိတ်မထိန်းနိုင်ပဲ ကလေးကို ရိုက်မိတတ်ကြပါတယ်။ အချို့ရှေးဆန်တဲ့ မိဘတွေကတော့ ကလေးကို ရိုက်နှက်ဆုံးမဖို့ လိုအပ်တယ်ဆိုတဲ့ အယူအဆ ရှိကြပါတယ်။ ဒီခေတ်မှာတော့ မိဘ တော်တော်များများဟာ ကလေးကို ရိုက်နှက်ဆုံးမတာမျိုး မလုပ်သင့်တော့ဘူးဆိုတာ သဘောပေါက် နားလည်လာကြပေမယ့် စိတ်ဒေါသအလျှောက် တခါတလေ ရိုက်နှက်မိ တတ်ကြပါတယ်။ ဒါ့ကြောင့် ဘာကြောင့် ကလေးကို ရိုက်နှက်ဆုံးမတာမျိုး မပြုလုပ်သင့်ဘူးလဲဆိုတဲ့ အကြောင်း (၉) ချက်ကို အောက်မှာ တင်ပြဆွေးနွေးထားပါတယ်။ (၁) ရိုက်နှက်ဆုံးမတာဟာ ကလေးကို “အားကြီးသူက မှန်တယ်” ဆိုတဲ့ မှားယွင်းတဲ့ အယူအဆကို သင်ပေးပါတယ် သင့်ကလေး မှားယွင်းမှု တစ်ခုခု လုပ်မိလို့ ကလေးကို ရိုက်နှက်ဆုံးမခြင်းအားဖြင့် သင်ဟာ ကလေးကို “အားကြီးတဲ့သူ၊ ခွန်အားကြီးတဲ့သူက မှန်တယ်မှားတယ်ဆိုတာ ဆုံးဖြတ်နိုင်ခွင့်ရှိတယ်” ဆိုတဲ့ အယူအဆကို သင်ကြားပေးသလို ဖြစ်နေပါတယ်။ ဆိုလိုတာက သင့်ကလေး ကြီးလာတဲ့ အခါမှာလဲ သူဟာ သူ့ထက် အားနဲသူတွေအပေါ်မှာ မှန်တယ်မှားတယ် ဆိုတာကို ဆုံးဖြတ်နိုင်ခွင့်ရှိတယ်လို့ သင်ပေးနေ သလိုပါပဲ။ (၂) အသက်ကြီးသူက အသက်ငယ်သူကို ရိုက်နှက်ပိုင်ခွင့် ရှိတယ်လို့ ကလေးက မှတ်ယူသွားမယ် ကလေးကို ရိုက်နှက်ဆုံးမခြင်းအားဖြင့် အသက်ကြီးတဲ့သူတွေဟာ အသက်ငယ်တဲ့ သူတွေကို ရိုက်နှက်ပိုင်ခွင့် ရှိတယ်ဆိုတဲ့ မှားယွင်းတဲ့ အယူအဆကို ကလေးကို သင်ပေးသလို ဖြစ်နေပါတယ်။ အားကြီးသူက အားငယ်သူကို ရိုက်နှက်ခွင့် ရှိတယ်လို့ ကလေးက မှတ်ယူသွားနိုင်ပါတယ်။ နောက်ပြီး ကိုယ့်ကလေးက အခြားကလေးကို ရိုက်နှက်ထိုးကြိတ်လို့ ကိုယ်က ကိုယ့်ကလေးကို ရိုက်နှက်ဆုံးမတယ်ဆိုရင် ကလေးက ဘယ်လိုမှ နားလည်နိုင်မှာ မဟုတ်ပါဘူး (ကလေးကို မရိုက်ဖို့၊ မထိုးဖို့လဲ ဆုံးမတယ်၊ မိဘလုပ်သူကကျတော့ ကလေးကို ရိုက်တယ်ဆို ကလေးက ဘယ်လိုနားလည်ရမှန်း မသိဘူး ဖြစ်တတ်ပါတယ်။) (၃) အကြမ်းဖက်ရိုက်နှက်ခြင်းအားဖြင့် ပြဿနာတွေကို ဖြေရှင်နိုင်တယ် ဆိုတဲ့အတွေး ကလေးမှာ ဝင်သွားနိုင်တယ် ကလေးက တစ်ခုခု အမှားလုပ်မိလို့ ကလေးကို ရိုက်နှက်ဆုံးမတာ၊ ကလေးက ကိုယ်ပြောတာ နားမထောင်လို့ ကလေးကို ရိုက်နှက်တာဟာ ကလေးကို “အကြမ်းဖက် ရိုက်နှက်ခြင်းအားဖြင့် ပြဿနာတွေကို ဖြေရှင်းလို့ရတယ်” ဆိုတဲ့ အယူအဆ…